Gündəm
Misir Liviyaya zərbələr endirib
Misirin hava qüvvələri qonşu Liviyadakı “terror düşərgələrinə” hava zərbələri endirib. Dövlət televiziyasının məlumatına görə, bu addım kopt xristianlarına hücuma cavab olaraq atılıb.
Prezident Abdel Fattah al-Sisi mayın 26-da bildirib ki, “istənilən yerdə terrorçu düşərgələrini tərəddüd etmədən vuracaq”.
Mayın 26-da kopt xristianlarının olduğu avtobusa hücum törədilib, azı 28 nəfər həlak olub, 25 nəfər yaralanıb.
Hücuma görə məsuliyyəti, hələlik, üzərinə götürən olmayıb. Ancaq İslam Dövləti (İŞİD) ekstremist qrupu son aylar kopt xristianlarını bir neçə dəfə hədəfə alıb. İŞİD onlara qarşı daha çox hücumlar təşkil edəcəyini bildirib.
Koptlar Misirin 92 milyonluq əhalisinin 10 faizini təşkil edirlər.
24saat.org
Mənbə – azadliq.org