İqtisadiyyat
MSK sədri siyasi partiyalara çağırış etdi
Məkəzi Seçki Komissiyasının sədri Məzahir Pənahov Azərbaycandakı siyasi partiyalara çağırış edib.
Publika.az-ın məlumatına görə, M.Pənahov deyib ki, partiyalar 2016-cı il üzrə maliyyə hesabatlarını MSK-ya təqdim etməlidir:
“Mərkəzi Seçki Komissiyasına hesabatlar daxil olur. Son müddət aprelin 1-də başa çatır. Digər partiyalar da maliyyə hesabatlarını təqdim etməlidirlər”.
Qeyd edək ki, qanunvericiliyə əsasən, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidirlər. Mərkəzi Seçki Komissiyası bu müddətdə illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.