Türkiyədə yaşayan azərbaycanlı iş adamı, “Palmali Holding” şirkətinin prezidenti, təhsil ocağına maddi və mənəvi dəstək göstərən Mübariz Mənsimov da bayram tədbirinə qatılıb.

Müəllim-şagird kollektivi qarşısında çıxış edən Mübariz Mənsimov “Təhsil millətin və dövlətin gələcəyinin təminatıdır. Hər biriniz təhsil alıb öz xalqınızı layiqincə təmsil etməlisiniz” deyib.

Mübariz Mənsimov bildirib ki, Türkiyədə yaşayan şagirdlərin təhsil almalarına dəstək verməyindən məmnundur.

“Ötən il də belə tədbirdə iştirak etdim, bu il də sizinlə birlikdə olmaq istədim. Uşaqların sevinc dolu gözlərini görməkdən böyük xoşbəxtlik yoxdur. Balalarımız böyük həvəslə bu tədbirə hazırlaşıb.

Bu uşaqlarda milli və vətənpərvər ruhunu görürəm. Mən bu tədbirdən əvvəl sinif otaqlarını gəzdim. Sizlər bizim gələcəyimizsiniz. Bundan da artığına layiqsiniz. Qarşıdakı dövrdə daha yaxşı şəraitli məktəbdə yüksək keyfiyyətli təhsil alacaqsınız. Mən hər zaman sizin yanınızda olacam”.

Məktəbin müdiri Aygün xanım Həsənoğlu tədbirin keçirilməsini şagirdlər üçün gözlənilməz sürpriz olduğunu və heç vaxt unudulmayacaq bir gün olduğunu dedi. O, bütün bunları həyata keçirməkdə maddi və mənəvi cəhətdən dəstək göstərən “Palmali Holding” şirkətinə təşəkkür etdi.

“Bu balaların əksəriyyərinin nə məktəbə getməyə, nə də belə bir tədbirlər görməyə imkanları var. Bu gün onların üzü gülürsə, bu, bizə dəstək verən insanların sayəsində mümkün olur. Bu uşaqlar çətin vəziyyətdə evdən məktəbə yola salınır, biz, müəllimlər olaraq, onlara təhsil vermək üçün əlimizdən gələni edirik və edəcəyik”.

Milli və vətənpərvər ruhlu səhnəciklərin göstərilməsi, şeirlərin səsləndirilməsi və rəqslərlə davam edən tədbir xatirə fotosu ilə 2023-cü ilin xatirəsinə həkk olundu. 2024-cü il daha uğurlu və bütün övladların zehni açıq olsun.