Birləşmiş Millətlər Təşkilatının Təhlükəsizlik Şurasının qətnamələrinə və beynəlxalq ictimaiyyətin reaksiyalarına baxmayaraq, silah proqramını yavaşlatmadan davam etdirən Şimali Koreya bölgədə təhlükəsizlik narahatlığını artıracaq daha bir addım atıb. Pyonyan administrasiyası pilotsuz sualtı nüvə zərbə aparatı Haeil-2-nin 4-7 aprel tarixləri arasında uğurla sınaqdan keçirildiyini açıqlayıb. Bildirilib ki, çərşənbə axşamı Cənubi Hamgyong bölgəsindəki bir limandan havaya qalxan və min kilometr məsafəni 71 saat 6 dəqiqəyə qət edən vasitə, sınaq döyüş başlığını cümə günü təyin olunan hədəfə çatdırıb.
Bildirilib ki, silah sistemi “düşmənlərin hərbi hərəkətlərinin qarşısını almağa, təhdidləri aradan qaldırmağa və ölkənin müdafiəsi üçün zəruri olan hərbi potensialı gücləndirməyə töhfə verəcək”. Həmçinin vurğulanıb ki, silah sınağı “sualtı strateji silah sisteminin etibarlılığını və ölümcül hücum qabiliyyətini mükəmməl şəkildə sübut edib”.
Şimali Koreya martın 21-23-də keçirilən hərbi təlimlər çərçivəsində Haeil-2-nin ilk sınağını həyata keçirib. Bildirilib ki, ölkə lideri Kim Çen In sınaq prosesini şəxsən izləyib. Yeni silah sisteminin məqsədinin “sualtı partlayış vasitəsilə geniş miqyaslı radioaktiv sunami törətməklə düşmənin donanması və daxili limanlarını məhv etmək” olduğu ifadə edildi. (İHA)
Tərcümə“24 SAAT”
