ABŞ korrupsiyada ittiham olunan Perunun keçmiş prezidenti Alexandro Toledonu ekstradisiya etmək qərarına gəlib. Toledo polis nəzarəti altında Peruya gəldikdən sonra paytaxt Limadakı Barbadillo həbsxanasına göndərilib.
18 aylıq profilaktik həbs cəzasına məhkum edilən Toledonun keçmiş prezidentlər Alberto Fuximori və Petro Kastilonun da qaldığı həbsxananı paylaşacağı bildirilir. Ədliyyə naziri Xose Tello mətbuata açıqlamasında Toledo üçün Ədliyyə Nazirliyi tərəfindən bir prosedur həyata keçiriləcəyini ifadə edərək, keçmiş prezidentin lazımi sağlamlıq yoxlamalarından keçdikdən sonra Barbadilloda saxlanacağını qeyd edib.
ABŞ fevralın 22-də verdiyi bəyanatda korrupsiyada ittiham olunan Perunun keçmiş prezidenti Toledonun ekstradisiyasına qərar verib. Toledo Braziliyanın Odebrecht şirkətindən 30 milyon dollardan çox rüşvət almaqda günahlandırılır və Peruda 20 il həbs tələbi ilə məhkəmə iddiası açılır.
Perunun keçmiş prezidenti Toledo 2006-cı ildə vəzifəsini tərk etdikdən sonra ABŞ-da yaşayır. Ekstradisiya tələbindən sonra 2019-cu ildə ABŞ səlahiyyətliləri tərəfindən saxlanılan Toledo, 2020-ci ildə Kovid-19 epidemiyası səbəbiylə ev dustaqlığında 8 aylıq həbsini davam etdirdi.
Məlum olub ki, Braziliyada yerləşən tikinti şirkəti Odebrecht 2001-ci ildən bir çox Latın Amerikası ölkələrinin dövlət başçılarına, yüksək vəzifəli dövlət qulluqçularına və rəhbər işçilərinə 800 milyon dollar məbləğində rüşvət verib.
28 aprel 2017-ci ildə Latın Amerikasının 7 ölkəsi Braziliyadan Odebrecht tikinti firması tərəfindən dövlət məmurlarına verilən rüşvətlə bağlı araşdırma ilə bağlı məlumatın paylaşılmasını istəyib.
Odebrecht qurduğu rüşvət sistemlərinə görə ABŞ, Braziliya və İsveçrədə 3,5 milyard dollar cərimə ödəməyə razı olmuşdu.
Mənbə: AA
Tərcümə“24 SAAT”