Loading...
Loading...
SEÇMƏ

Özünü yandıran qazi vəfat edib

Yayımlandı: 15 Sentyabr 2022 13:01

Elnur Rüstəmovun bədəninin 70 faizinin yandığı bildirilirdi

Sentyabrın 15-də Xəzər rayon Buzovna kənd bələdiyyəsinin özbaşınalığına etiraz olaraq özünü yandıran qazi Elnur Rüstəmov müalicə aldığı xəstəxanada vəfat edib.

Elnur Rüstəmov sentyabrın 12-də özünü yandırmışdı.

Tibbi Ərazi Bölmələrini İdarəetmə Birliyindən Elnur Rüstəmovun Nərimanov Tibb Mərkəzinin Yanıq bölməsinin Reanimasiya şöbəsində müaşlicə aldığı bildirilirdi.

Onun bədəninin 70 faizinin yanığı ilə müalicə aldığı qeyd edilirdi.

Bu gün həmçinin Mingəçevirdə “Sahil parkı”nda 35 yaşlı hərbçi Elvin Fizuli oğlu Abışovun asılmış meyiti tapılıb.

Foto: Elvin Abışovun yaxınlarının arxivindən

Elvin Abışov II Qarabağ savaşında iştirak edib və “Füzulinin azad olunmasına görə” medalı ilə təltif edilib.

Onun hansı səbəbdən intihar etdiyi məlum deyil.

Bu, 2020-ci ilin sentyabrında başlanan 44 günlük müharibədən sonra 43-cü intihar hadisəsidir.

Ümumilikdə isə intihar həddinə çatdırılanların sayının 50 nəfər olduğu bildirilir.

Meydan TV

Gözdən qaçırmayın:  Qırğızıstan-Tacikistan sərhədində toqquşma: 18 nəfərin yaralandığı bildirilir

This site uses Akismet to reduce spam. Learn how your comment data is processed.

Back to top button