Avropa Şurası Parlament Assambleyasında Azərbaycana qarşı qərəzli və çirkin kampaniya başlanıb. Bu barədə bazar ertəsi prezident İlham Əliyev Bolqarıstan Respublikası Xalq Məclisinin sədri Rosen Dimitrov Jelyazkovu qəbul edərkən bildirib.

Dövlət başçısının saytı bildirib ki, Jelyazkov Azərbaycanın COP29-a ev sahibliyi etməsi münasibətilə təbriklərini çatdırıb və Bakının yaşıl və bərpa olunan enerji sahəsində həyata keçirdiyi layihələrin önəmini vurğulayıb. O, Qara dənizin dibilə çəkiləcək elektrik kabeli layihəsinə Bolqarıstanın da qoşulmaq niyyətini ifadə edərək, Azərbaycanla Bolqarıstan arasında enerji sahəsində uğurlu əməkdaşlığın həyata keçirildiyini deyib.
Əliyev bildirib ki, Azərbaycan öz ərazi bütövlüyünü və suverenliyini bərpa etdikdən sonra bir sıra Avropa təsisatı tərəfindən Azərbaycana qarşı genişmiqyaslı kampaniya başlayıb və bu qərəzli xarakter daşıyır.

Bu kampaniya Avropa Şurası Parlament Assambleyasında da aparılır ki, bu da qəbuledilməzdir. Dövlət başçısı deyib ki, bu ədalətsizliyə qarşı bir sıra ölkənin parlamentləri tərəfindən mövqe ifadə olunub.

Saytların yığılması

O, yaşıl enerji layihəsi çərçivəsində Qara dənizin dibilə çəkiləcək elektrik kabeli layihəsinə Bolqarıstanın  qoşulmaq niyyətini müsbət addım kimi dəyərləndirib.

Azərbaycan Avropaya enerji təchizatçısıdır və hazırda Avropanın səkkiz ölkəsi Azərbaycan qazı ilə təchiz olunur.