Rusiya Prezidenti Vladimir Putin ABŞ-ın Suriyaya aviazərbələrini suveren dövlətə qarşı aqressiya aktı kimi dəyərləndirir.
Axar.az xəbər verir ki, bunu jurnalistlərə açıqlamasında Rusiya prezidentinin mətbuat katibi Dmitri Peskov söyləyib.
“Suriya ordusunun heç bir kimyəvi silah ehtiyatı yoxdur. Vladimir Putinin fikrincə, bu hücum beynəxalq hüququn pozulmasıdır. Kimyəvi silahların terrorçular tərəfindən istifadə edilməsi faktından tam imtina edilməsi situasiyanı gərginləşdirir. Putin həmçinin ABŞ-ın Suriyaya zərbə endirməklə dünya ictimaiyyətinin diqqətini İraqda xeyli dinc insanın öldürülməsindən yayındırmaq istədiyini bildirib”, – deyə o söyləyib.
