Aylardır Ukrayna ilə müharibə vəziyyətində olan Rusiya strateji addım atıb. Rusiya Müdafiə Nazirliyi “Avanqard” hipersəs raket kompleksinin Orenburq vilayətindəki silosuna yerləşdirildiyini açıqlayıb. Nazirlikdən verilən açıqlamada xatırladılıb ki, bu gün Rusiyada Strateji Raket Qüvvələri Günüdür.
Tver vilayətində qitələrarası ballistik “Yars” raketi ilə təchiz edilmiş alayın dünəndən döyüş növbəsinə keçdiyi bildirilən açıqlamada “Bu gün Yasnenskiy raket sahəsində “Avanqard” raket sistemi ilə təchiz edilmiş daha bir alay peşə günümüzə əsl hədiyyə oldu. ” ifadəsindən istifadə edilmişdir.
Açıqlamada hipersəs bloklu raket sisteminin Strateji Raket Qüvvələrinin döyüş qabiliyyətini artıracağı vurğulanıb.
“Avanqard” qitələrarası raketinin düşmən ölkələrin müdafiə sistemləri tərəfindən tutulmadığı və hava hücumundan müdafiə sistemlərini asanlıqla məğlub edə bildiyi iddia edilir.
Bildirilir ki, hipersəs başlı raket səs sürətini 20 dəfə artıra bilir və üstün manevr qabiliyyəti ilə yanaşı 9 kilometr yüksəklikdə də uça bilir.
Rusiya prezidenti Vladimir Putin 2018-ci ildə bəzi yeni strateji silahlar kimi “Avanqard”ı “məğlubedilməz” adlandırıb. (AA)
Tərcümə“24 SAAT”
