Putin özünü Böyük Pyotrla müqayisə edib
“Görünür, qayıdıb güclənmək bizim də payımıza düşüb”
Rusiya Prezidenti Vladimir Putin Rusiya torpaqlarının qaytarılmasını öz missiyası adlandırıb və özünü Böyük Pyotrla müqayisə edib.
Bu barədə V.Putin iyunun 9-da Rusiya imperatoruna həsr olunmuş sərgini ziyarət etdikdən sonra gənc sahibkarlar və alimlərlə görüşündə danışıb.
“I Pyotr Şimal müharibəsində 21 il vuruşdu. Deyəsən, İsveçlə müharibə aparırdı, nəyisə rədd etdi… Heç nəyi rədd etmədi, qayıtdı! Deməli… Qayıdıb gücləndi – elə də elədi. Görünür, qayıdıb güclənmək bizim də payımıza düşüb. Əgər bu dəyərlərin varlığımızın əsasını təşkil etdiyindən çıxış etsək, şübhəsiz ki, qarşımızda duran vəzifələrin həllində uğur qazanacağıq”, – Putin belə deyib.
İyunun 9-da Rusiyada I Pyotrun anadan olmasının 350 illiyi ilə bağlı bir sıra tədbirlər keçirilib.
