Rusiya Prezidenti Vladimir Putinin təlimatı ilə Təhlükəsizlik Şurasının iclası keçirilib.
Axar.az xəbər verir ki, dövlət başçısı həmkarı Ərdoğanla həyata keçirdiyi telefon danışığı barədə şura üzvlərini məlumatlandırıb.
Toplantıda Müdafiə naziri Sergey Şoyqu rus qırıcılarının Əl Babda yalnış aviazərbəsi nəticəsində şəhid olan türk əsgərləri ilə bağlı prezidentə hesabat təqdim edib.
O, Türkiyə-Rusiya Qərargah rəislərinin telefon əlaqəsi barədə məlumat verərək hər iki tərəfin Suriyada hərbi koordinasiyanın artırılması barədə razılığa gəldiyini bildirib.
Qeyd edək ki, az öncə Ərdoğanla Putin arasında baş tutan telefon danışığında Rusiya lideri insidentlə bağlı üzrxahlığını çatdırıb, həmçinin Türkiyə liderinə başsağlığı verib.