Rusiyanın Ukraynaya hücumundan dərhal sonra Qərb dövlətlərinin Rusiyaya qarşı 15 min maddədən çox iqtisadi sanksiyalar tətbiq etməyə başladığını tənqid edən Putin o günlərdə “Onların sanksiyaları bizim üçün həddindən artıq çoxdur. Bizə Qərbin mirvari muncuqları lazım deyil. Öz malımız var” deyə xalqı yerli istehsala yönəltdi. Lakin oktyabrın 8-də bombalı hücumun həyata keçirildiyi körpüdə Putin “düşmən ölkələr” siyahısına saldığı Almaniya istehsalı olan “Mercedes Pullman” avtomobilində görünüb. Güclü küləyin əsdiyi körpüdə fəhlələrlə söhbət edən “Mercedes” markalı avtomobildən düşən Rusiya liderinin diqqətini italyan “Lara Piana” qaz tüyü gödəkçə çəkib. Rusiyada sosial mediada Vladimir Putinin üzərindəki paltonun 10 min avrodan çox olduğu iddia edilib.