Divara yapışqan lentlə yapışdırılmış banandan ibarət sənət əsəri sərgiləndiyi Cənubi Koreyanın paytaxtı Seuldakı muzeydə bir sənət tələbəsi tərəfindən yeyilib.
“The Korea Herald” qəzetinin xəbərinə görə, italyan rəssam Maurizio Cattelanın “BİZ” adlı 38 parçadan ibarət fərdi sərgisi Seuldakı Leeum İncəsənət Muzeyində sənətsevərlərlə görüşüb.
Divara yapışdırılmış banandan ibarət “Komediya” adlı sənət əsəri də sərginin bir hissəsidir.
Muzeyi ziyarət edənlərdən biri, Seul Milli Universitetində incəsənət üzrə təhsil alan tələbə divardakı bananı götürüb, qabığını soyub yedi və qabığını yenidən divara yapışdırıb.
Tələbə bananı niyə yediyini soruşan muzey rəsmilərinə “səhər yeməyim yox idi, acdım” deyib. cavabını verdi.
Hadisədən sonra yerli mətbuata açıqlama verən tələbə “müasir sənətə zərər vurmağı sənət əsəri kimi şərh etmək olar” deyə düşündüyünü bildirib.
Bu vaxt muzeyin tələbədən dəymiş ziyanı ödəməsini tələb etməyəcəyi öyrənilib. Məlumdur ki, əsərdə istifadə olunan banan 2 və ya 3 gündən bir yenilənir.
Rəssam Kattelanın “BİZ” adlı fərdi sərgisi iyulun 16-dək ziyarət edilə bilər.
Satirik heykəltəraşlıq və quraşdırma işləri ilə tanınan rəssam Kattelanın 2019-cu ilin dekabrında ABŞ-da təşkil etdiyi sənət sərgisində divara yapışqan lentlə yapışdırılmış banandan ibarət “Komediya” adlı əsəri 120 min dollara satılıb. Rəssamın üç hissədən ibarət hazırladığı əsərin iki variantı 120 min dollara alınıb, üçüncü nüsxə üçün isə 150 min dollar qiymət müəyyən edilib.
Əsərlə birlikdə alıcılara verilən orijinallıq sertifikatında əsərin sahiblərinin lazım bildikləri halda bananın çürüməsi halında dəyişdirə biləcəyi bildirilib.
Sənətçi David Datuna bananlardan birini satılandan dərhal sonra yeyib.
Rəssamın 18 karatlıq qızıldan düzəltdiyi tualet qabı formalı heykəl 2019-cu ilin sentyabrında İngiltərədə sərgiləndiyi Blenheim sarayından oğurlanıb. “Amerika” adlanan əsər təxminən 6 milyon dollar dəyərində qiymətləndirilib. (AA)
Tərcümə“24 SAAT”
