Qızılın kəskin bahalaşacağı proqnozlaşdırılır – Qramı 130 dollara kimi
“Swiss Asia Capital”ın baş meneceri Juerg Kiener, iqtisadi böhran narahatlıqları səbəbindən gələn il qızılın unsiyasının 4000 dollara qədər yüksələcəyi ilə bağlı proqnoz verib.
Qızıl bazarında böyük bir bahalaşma ehtimalının yüksək olduğunu bildirən ekspert, qiymətli metalın 10 və ya 20 faiz artmayacağını, daha yüksək artımların olacağını və 1 unsiya qızılın qiymətinin 2 500 – 4 000 dollar aralığına yüksələcəyini proqnozlaşdırır.
Gələn ilin ilk rübündə bir çox ölkənin tənəzzüllə üzləşəcəyini qeyd edən Kiener, mərkəzi bankların faiz artırmaq sürətini yavaşlatacağını və bunun qızılı daha cəlbedici edəcəyini bildirib.
2000-ci illərin əvvəlindən bu yana qızılın illik orta hesabla bahalaşmasının 8-10% arasında olduğunu ifadə edən Kiener, “Növbəti il olacaq artım nə istiqraz bazarında, nə də birjada müşahidə edilməyib” deyib.
Ümumdünya Qızıl Şurasının hesabatına görə, üçüncü rübdə mərkəzi banklar 400 tona yaxın qiymətli metal toplayıb ki, bu da əvvəlki illə müqayisədə 4 dəfədən çox çoxdur.
Qızıl qiymətləri çərşənbə axşamı ABŞ dollarının ucuzlaşması yüksəlib. Qiymətlər kritik səviyyə olan 1800 dollar səviyyəsini keçərək 1817 dolları görüb.
The post Qızılın kəskin bahalaşacağı proqnozlaşdırılır – Qramı 130 dollara kimi appeared first on 24 saat.
