“Rəsmi dövlət qəzetlərində də “reket”lər var”
Ələsgər Məmmədli: “Bu cür reketliyi dilənçilik kimi də xarakterizə etmək mümkündür”
“Rəsmi qəzetlərin özündə də reketliklə məşğul olan jurnalistlər var”.
Bunu 24saat.org-a açıqlamasında hüquqşünas Ələsgər Məmmədli bildirib. Onun sözlərinə görə, icra başçıları və digər məmurlardan pul alan sözügedən jurnalistlərin fəaliyyəti reketlik kimi qiymətləndirilməsə də, bu, reketlik və dilənçilikdən başqa bir şey deyil:
“Onlar gedib hansıa icra başçısından pul alırlar, lakin onlara heç kim reket demir. Tutaq ki, rəsmi qəzetdə çalışan bir jurnalist gedb bir məmurdan “şirinlik” alır. Ona buna görə reket demirlər. Lakin bu çərçivədən kənarda olan jurnalistlər belə bir addım atanda reket kimi xarakterizə edilirlər. Bu da bizim məsələyə ikili yanaşmağımızdan xəbər verir.
Bu reketliyi dilənçilik kimi də xarakterizə etmək mümkündür. Bunun heç bir fərqi yoxdur. Jurnalist adından istifadə edib belə bir addım atmaq həm jurnalistikanın özünün imicinə böyük zərərdir, həm də cəmiyyətdəki eybəcərliklərin davamıdır”.
Seymur Əliyev
