Reket mollalara qarşı həbslər həyata keçirilməlidirmi?
Ələsgər Məmmədli: “Reket fəaliyyəti qanunla cinayət əməli kimi qiymətləndirilir”
Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda reket mollaların mövcudluğunu bildirib.
Maraqlıdır, dövlət yetkilisi tərəfindən səsləndirilən bu iddia ilə bağlı hüquqi araşdırma aparılmalıdırmı? Reket jurnalistlərlə yanaşı, reket mollara qarşı da həbslərin aparılmasına ehtiyac varmı?
Moderator.az-a açıqlama verən hüquqşünas Ələsgər Məmmədli məsələ ilə bağlı maraqlı fikirlər ssləndirib:
“Əslində bir şəxs bir ifadə işlədirsə, təbii ki, bunun məsuliyyətini dərk etməlidir. Əgər kimsə reket fəaliyyətlə məşğuldursa, bu o deməkdir ki, həmin şəxs hüquq pozuntusu ilə məşğuldur. Reket fəaliyyəti Azərbaycan qanunlarına görə cinayət əməli kimi qiymətləndirilir. Bununla bağlı informasiya cinayəti bilib informasiya vermək anlayışı çərçivəsində hüquq-mühafizə orqanlarına təqdim edilməlidir. Bu iddia hüquqi baxımdan araşdırılmalıdır. Əgər belə bir informasiya varsa, bu informasiyanın hüquq-mühafizə orqanları ilə paylaşılması zəruridir”.
