“Səidəyə kişi lazımdır” – Niyam
Müğənnilər Səidə Sultan və Niyam Salami Lent.az-ın canlı yayımında sualları cavablandırır.
Səidə Sultan ailə qurması barədə maraqlı açıqlamalar verib. O, evləndikdən sonra ölkəni tərk edəcəyini deyib:
“Mənim 8-ci sinifdən elçi baxımdan problemim olmayıb. Günü bu gün də qapımda elçilər var. İstəsəm, indi də ərə gedə bilərəm. Amma elə bir xasiyyətdə adamam ki, qarşımdakı insanın güclü xarakteri olmalıdır. O, qəhrəman olmalıdır… Babək olmalıdır, Koroğlu olmalıdır. Bir dəfə gözünü ağardan da, mən artıq özümü yığışdırmalıyam. Bir də bilirəm ki, ailə qursam, mən Azərbaycanda qalmayacam, çıxıb gedəcəm”.
Söhbətə müdaxilə edən Niyam Səidənin yerinə danışaraq bildirib:
“Səidəyə kişi lazımdır. Yəni, kişi xasiyyətli biri. Səidə arada mənə deyir ki, istəyirəm oturum, ər çörəyi yeyim”.
Müğənni onu da bildirib ki, artıq onun istədiyi kimi bir bəy var. Artıq ailə qurmaq niyyətindədir: “Həyatımda elə bir mərd bir oğlan var. Bunu ilk dəfə açıqlayıram. Heç vaxt bunu mətbuata deməmişəm. İllərdir arzuladığım bir insandır. Necə arzu edirdimsə, Allah qabağıma çıxardı. Bu ağ yox, qar atlı oğlandı. Toyun vaxtını, məqamını indidən demirəm. Hər şeyin öz məqamı var. İndi mərdimazar da çoxdur”.
S.Sultan bildirib ki, ailə qurmağa hazırlaşdığı şəxs onun sənətini dəstəkləyir: “O məni müğənni kimi sevib, hörmət edir, qəbul da edir. Hansı sahə ilə məşğul olduğunu deyə bilmərəm. Bilən bilir ki, oğlan nə işin sahibidir. Bu da mənə ləzzət edir. Bir sözlə seçdiyim insan şou-biznesdən çox uzaqdır. Allahım onu mənə ən pis anımda nəsib etdi. Həmin vaxtda ki, mən insanların içinə çıxmağa qorxurdum, utanırdım. Amma o mənə öz sözü, əməli ilə mənə dəstək oldu. Onun yanında özümü uşaq kimi hiss edirəm”.
///Axşam.az
