Şimali Koreya Cənubi Koreya sərhədini artilleriyadan atəşə tutub. Cənubi Koreya Müdafiə Nazirliyindən verilən açıqlamada Şimali Koreyanın yerli vaxtla saat 14:59-da iki ölkə arasındakı dəniz sərhədinin şərq və qərb bufer zonalarına 130-a yaxın artilleriya mərmisi atdığı bildirilib. Atışların Şimali Koreyanın Kumqanq və Hvanqhae bölgələrindən atıldığı müəyyən edilərkən, bəzi top mərmilərinin Şimal Sərhəd Xəttinə çatdığı qeyd edildi. “Şərq və qərb bufer zonalarına artilleriya atəşi 19 sentyabr hərbi müqaviləsinin açıq şəkildə pozulmasıdır və biz Şimali Koreyanı dayanmağa çağırırıq”, – bəyanatda deyilir.

Digər tərəfdən, Şimali Koreyanın raket və artilleriya atəşindən sonra ABŞ və Cənubi Koreya hərbi təlimlərini gücləndirib. ABŞ və Cənubi Koreya arasında bu gün Çervon bölgəsində başlayan birgə hərbi təlim sabaha qədər davam edəcək.

Saytların yığılması