“Sosial böhran insanların müxalif partiyalara axını ilə nəticələnməyəcək”
Mirmahmud Mirəlioğlu: “Hər kəs öz seçimini edib!”
Ölkədə sosial-iqtisadi vəziyyətin ağırlaşması narazı insanların da sayının artmasına səbəb olmaqdadır. Maraqlıdır, mövcud durumdan narazı qalan insanların yaxın gələcəkdə müxalif partiyalara üz tutması mümkündürmü?
Moderator.az-a açıqlama verən KXCP sədri Mirmahmud Mirəlioğlu belə bir axının baş verəcəyini düşünmədiyini qeyd edib:
“Sosial böhran insanların müxalif partiyalara axını ilə nəticələnməyəcək. Çünki Azərbaycan insanı əvvələdən öz seçimini edib. Əgər partiyalara gəlmək istəsəydilər, bunu çoxdan edərdilər. Bu, sosial-iqtisadi, hüquqi-siyasi və ya mənəvi böhranla bağlı olan bir məsələ deyil. Bu, həm də insanlarımızın seçimidir. Əgər belə bir seçim bu günə kimi edilməyibsə, çətin ki, bundan sonra olsun. Kimlərinsə partiyalara üz tutması mümkündür, lakin bunun bir axın halında baş verməsi, kütləviləşməsi mümkünsüzdür”.