Dünya
Talibandan reaksiya çəkən daha bir addım! Onlar ölkədə bərbər və gözəllik salonlarını qadağan ediblər
Taliban Əfqanıstanda qadın bərbərlərini və gözəllik salonlarını qadağan edib. Taliban müvəqqəti hökumətinin Xeyirə Dəvət və Şərdən çəkindirmə Nazirliyinin sözçüsü Məhəmməd Siddiq Akif Mühacir verdiyi açıqlamada, qadağa ilə bağlı sosial şəbəkələrdə yayılan iddiaların doğru olduğunu bildirib. Mühacir qərarla bağlı ətraflı məlumat verməyib.
Sosial şəbəkələrdə yayılan fərmanla Taliban lideri Molla Hibetullah Axundzadənin paytaxt Kabildə və digər əyalətlərdə qadın saç ustası və gözəllik salonlarını qadağan etdiyi iddia edilib. Müvafiq olaraq, qadın bərbərləri və gözəllik salonlarına fəaliyyətlərini dayandırmaq üçün 1 ay vaxt verilir.
