SEÇMƏ
“Tik-Tok” qəhrəmanı: Kadırovun daha bir yalanı üzə çıxdı
!["Tik-Tok" qəhrəmanı: Kadırovun daha bir yalanı üzə çıxdı](https://www.az24saat.org/wp-content/uploads/2022/05/Tik-Tok-qəhrəmani-Kadirovun-daha-bir-yalani-uzə-cixdi-780x470.jpeg)
Çeçenistan lideri Ramzan Kadırovun yalanı üzə çıxıb.
Kadırov “Tik-Tok”da bu dəfə Luqansk vilayətinin Svetliçnoye kəndinin tutulduğunu bəyan edib. Ancaq sözügedən qəsəbə separatçılar tərəfindən 8 ildir ki, tutulub.
“Svetliçnoye qəsəbəsi tamamilə azad edilib. General-mayor Şarip Delimxanovun rəhbərliyi ilə çeçen döyüşçülərinin koordinasiyalı hərəkətləri sayəsində quldurların azğınlaşdığı daha bir ərazini mütləq nəzarətə götürmək mümkün olub”, – Kadırov yazıb.
O, “təmizləmə əməliyyatı”nın aparıldığını, daha sonra isə “humanitar tədbirlər” görüləcəyini bildirib.
2014-cü ildən Svetliçnoye kəndi “LNR” yaraqlıları tərəfindən işğal olunub. Yeri gəlmişkən, Svetliçnoye real döyüş yerlərindən 100 km-dən çox məsafədə yerləşir.