Tramp 37 il sonra bunu ilk dəfə etdi – Amerika ŞOKDA
Tayvan lideri Tsai İnq-ven ilə telefon söhbətindən sonra ABŞ-ın yeni prezidenti Donald Tramp “Tək Çin” siyasətinə dəyişiklik ediləcəyi haqda siqnal verdi.
Publika.az xəbər verir ki, Trampın bu açıqlaması Pekində ciddi narazılıq yaradıb.
Pekinin etirazına cavab verən ABŞ-ın yeni prezidenti daha sərt danışıb: “Məni məcbur etməsinlər. Bu, xoşniyyətli telefon söhbəti idi. Nə üçün başqa bir millət mənim kiminlə telefonda danışdığıma reaksiya verir?”
Qeyd edək ki, 1979-cu ildən indiyə qədər ABŞ-ın heç bir prezidenti Tayvan lideri ilə nə görüşüb, nə də telefonda danışıb. Tramp isə 37 ildən sonra bu addımı atdı. Onun Çinə qarşı sərt siyasət yürüdəcəyi proqnozlaşdırılır. Seçki öncəsi kampaniyasında da bunu açıq şəkildə söyləmişdi.
Trampın Tayvan lideri ilə danışması isə Ağ Evi sözün əsil mənasında şoka salıb.
