Ukraynanın ümidləri puç oldu… Newsweek dünyaya elan etdi: Zelenski qarşısında iki variant var
2023-08-16 16:22:43
class=”mediyanet-inline-adv”>
Dünyanın gözü və qulağı aylardır Ukraynadan gələn xəbərlərdədir.
Ötən ilin fevralında Rusiya prezidenti Putinin sərəncamı ilə başlayan müharibə Ukraynanın şərq vilayətlərində tam sürətlə davam edir.
Bir müddətdir Ukrayna ordusunun hücumuna qarşı müdafiə mövqeyində olan Rusiya bir çox bölgədə müqavimətini davam etdirərkən, Ukraynadan gələn xəbərlər dünyanın gündəminə siyahının başında daxil olub.
“Newsweek” Ukrayna rəsmiləri ilə görüşüb və Kiyevin az qala sirr kimi saxladığı son vəziyyəti oxucuları ilə bölüşüb.
Rusiyanın işğalının ilk 18 ayı ərzində Ukrayna ordusu daha çox müdafiə mövqeyində olub. Amma bu yay Ukrayna Qərbin verdiyi milyardlarla dollarlıq silahların dəstəyi ilə hücuma keçdi.
Ukraynanın çoxdan gözlənilən əks-hücumunun indiyə qədər kifayət etmədiyini bildirən ABŞ jurnalı Ukraynanın böyük itkilər verdiyini qeyd edib.
Newsweek, Ukraynanın həftələrdir davam edən hücumlarına baxmayaraq, Rusiyanın müdafiə şəbəkəsini çökdürə bilmədiklərini yazaraq, “Ukrayna əsgərləri ölkənin cənub və şərqindəki ərazilərin bəzi hissələrini baha qiymətə geri aldılar” dedi.
class=”mediyanet-inline-adv”>
“Ukraynalıların rus müdafiəçilərinə ağır itkilər verdiyi bildirilir, lakin Moskvanın çoxtəbəqəli müdafiə şəbəkəsi hələ də pozulmayıb”, – məlumatda deyilir.
Anonimlik şərti ilə Newsweek-ə danışan mənbələrdən əldə edilən məlumatlara əsaslanan xəbər Kiyev administrasiyasındakı çatı da üzə çıxarıb.
“Zelenski qeyri-mümkün seçim qarşısındadır” deyən Newsweek yazır ki, Ukrayna lideri ya hər şeyi yoluna qoymalı və baha başa gələn uğursuzluğa düçar olmalı, ya da Ukraynanın itkilərini azaltmalı və siyasi cəhətdən zərərli məğlubiyyəti qəbul etməli olacaq.
Bu məsələ ilə bağlı administrasiyada iki qanad olduğunu vurğulayan ABŞ jurnalı mülki qanadla hərbi qanadın fərqli fikirləri olduğunu yazıb.
“Hərbi strategiya ilə bağlı Ukrayna rəhbərliyi arasında mütləq müəyyən fikir ayrılıqları var”, – mənbə jurnala bildirib.
Adı gizli saxlanılan həmin mənbə sözlərini belə davam etdirdi;
“Hərbi tərəfdə sizdə Zalujnıy və başqaları var ki, onları itələməyə davam etmək istəyirlər. Siyasi tərəfdən bəzi suallar var ki, bu, hazırda ən məntiqli variantdır”.
Ukraynanın şərqindəki işğal olunmuş ərazinin böyüklüyü ilə müqayisədə Ukrayna ordusunun irəliləməsi kifayət qədər kiçikdir. Rusiya qonşusunun ərazisinin təxminən 20 faizini işğal edir…. (Foto: AP)class=”mediyanet-inline-adv”>
Jurnalla danışan başqa bir mənbə bildirib ki, bəzi mülki hökumət rəsmiləri hərbi qanadı çəhrayı şəkil çəkməkdə ittiham edib və əlavə edib;
‘Onlar bu vəziyyətdən son dərəcə narazıdırlar.’
Bu narazılığın hərbi rütbələrin dəyişməsinə səbəb olub-olmayacağı ilə bağlı suala isə həmin mənbə “Konkret bir şey eşitməmişəm, amma belə bir şey nəzərdə tutula bilər” deyib.
Newsweek-in hesabatından sonra Ukraynadan məsələ ilə bağlı rəsmi açıqlama gəlib.
Müdafiə Nazirliyinin sözçüsü Newsweek-ə deyib ki, “hərbi komandanlıq ilə ölkənin siyasi rəhbərliyi arasında birbaşa əlaqə var”.
Mətbuat katibi Newsweek-ə danışan mənbənin iddialarını şərh etməkdən imtina edib.
Tərcümə“24 SAAT”
