ÜST-dən verilən yazılı açıqlamaya görə, Çin Milli Səhiyyə Komissiyası martın 27-də bir nəfərdə A (H3N8) virusunun aşkarlandığı barədə məlumat paylaşıb. Bu günə qədər 3 nəfər A(H3N8) virusuna yoluxsa da, bütün hallar Çində qeydə alınıb.

Saytların yığılması

YENƏ HEYVAN BAZARI

Çində quş qripinə yoluxduğu bildirilən xəstənin Quanqdonq əyalətində yaşayan 56 yaşlı qadın olduğu bildirilib. Fevralın 22-də xəstəliyə tutulan şəxs ağır pnevmoniya ilə əlaqədar martın 3-də xəstəxanaya yerləşdirilib və martın 16-da dünyasını dəyişib. Hadisə ilə bağlı epidemioloji araşdırma və yaxın təmasda müşahidə aparılsa da, yoluxmuş şəxsin təmasda olan şəxslər arasında başqa hal aşkar edilməyib. Quş qripindən dünyasını dəyişən qadının bu yaxınlarda getdiyi mal-qara bazarından xəstəliyə yoluxduğu ehtimal edilir. COVID-19 epidemiyasında əsas nəzəriyyə koronavirusun heyvan bazarında insanlara ötürülməsi idi.