Gündəm
Vəkil Toplum TV-nin saxlanılan əməkdaşı ilə görüşə bilmir
Vəkil Nemət Kərimli Toplum TV-nin martın 6-da saxlanılan əməkdaşı Müşfiq Cabbarla görüşə bilmir.
Kərimli Turan Agentliyinə bildirib ki, Müşfiq Cabbarın ailəsi ilə onun müdafiəsi haqqında müqavilə bağlayıb.
“Səhər saatlarından orderlə Bakı Şəhər Baş Polis İdarəsinə yaxınlaşsam da içəri buraxmırlar. Müşfiq Cabbarla görüşmək üçün müstəntiqin razılığı lazımdır. Mənə bildirdilər ki, müstəntiq dünən gec gedib və hazırda işdə yoxdur. Müstəntiq telefonununa da cavab vermir”, deyə vəkil bildirib.
Məsələ ilə bağlı Daxili İşlər Nazirliyindən münasibət öyrənmək mümkün olmayıb.
