Gündəm
Vətəndaşı xilas etmək istəyən polis dənizdə boğulub
Polis əməkdaşı həyatını xilas etməyə çalışdığı 45 yaşlı Rövşən Qasımovla birlikdə həyatını itirib
Xəzər rayonu ərazisindəki “Mayak” çimərliyində suda batan şəxsi xilas etməyə çalışan polis əməkdaşı boğularaq ölüb.
Hadisə sentyabrın 2-də saat 18 radələrində baş verib.
Daxili İşlər Nazirliyinin yaydığı məlumata görə, Çevik Polis Alayının əməkdaşı, 21 yaşlı İbrahim Əliosmanov bir nəfərin suda boğulduğunu görüb və onu xilas etmək üçün dərhal özünü dənizə atıb. Amma dərinlik və yüksək dalğalar ona mane olub.
Polis əməkdaşı həyatını xilas etməyə çalışdığı 45 yaşlı Rövşən Qasımovla birlikdə öz həyatını itirib.
