Gündəm
Xədicə İsmayılova: “Jurnalistlik fəaliyyətimi davam etdirəcəyəm”
Bu gün Ali Məhkəmənin Xədicə İsmayılovanın azadlığa buraxılması ilə bağlı verdiyi qərar icra olunub.
Virtualaz.org-un məlumatına görə, X. İsmayılova Ədliyyə Nazirliyi Penitensiar Xidmətin 4 saylı cəzaçəkmə müəssisəsindən azadlığa buraxılıb.
Xədicə İsmayılova həmkarlarına bildirib ki, yenə öz jurnalistlik fəaliyyəti ilə məşğul olacaq.
O həmçinin deyib ki, tam bəraət almaq üçün əlindən gələni edəcək: “Mən enerji ilə doluyam və ədalətin tam bərpa olunması üçün mübarizə aparacağam”.