Xakerlərin buraxdığı virus 75 ölkəyə ciddi zərbə vurdu
Rusiya Daxili İşlər Nazirliyi də zərərçəkənlər sırasındadır
Mayın 12-də xakerlər dünyanın müxtəlif nöqtələrində kompüterləri sıradan çıxaran virus buraxıb və onların normal işə qayıtması üçün pul tələb edib. Əvvəl virus Böyük Britaniyanın xəstəxanalarında kompüterləri sıradan çıxarıb. Daha sonra digər ölkələrə yayılmağa başlayıb. Rusiyada “Meqafon” şirkəti, DİN və İstintaq Komitəsi zərər çəkib.
Virus artıq Britaniya, Belçika, Almaniya, Fransa, Portuqaliya, İspaniya, Çin, ABŞ, Rusiya, Braziliya, Ukrayna, İtaliya, Hindistan, Tayvan, Çexiya, Kuveyt, Türkiyə, Kanada, CAR, Şri-Lanka, Qazaxıstan, Tayland və digərölkələrdə kompüterlərə düşüb. Ekspertlər ehtimal edir ki, siyahıda 75 ölkə var.
Antivirus Avastbütün dünyada 57 min virus, Kasperski antivirusu dünyanın 74 ölkəsində 45 min virus qeydə alıb. Mütəxəssislərən çox ziyanın Rusiyada müşahidə olunduğunu deyir.
Böyük ehtimalla söhbət Wcry virusundan gedir. O həm də WannaCry və WannaCryptor kimi tanınır. Bu virus arxivlərin ələ keçirilməsi üçün istifadə edilir.
Fizzə
24saat.org
Mənbə – azadliq.info
