Azərbaycan hökuməti büdcəni doldurmaq üçün ən müxtəlif yollara əl atır. Kommunal xərclər artırılır, dövlət qurumları satışa çıxarılır, bağça və məktəblərin ödənişli olması, pensiya yaşının artırılması təklif edilir və s.
24saat.org-un da büdcəni doldurmaq üçün təklifi var. Güman edirik ki, hakim partiya bu təkllifimizi dəyərləndiriləcək.
Hakim Yeni Azərbaycan Partiyasının (YAP) rəhbərliyi təşkilatın 600 min üzvü olduğunu iddia edir. YAP-da üzvlük haqqı əvvəllər simvolik olaraq aylıq 1 manat olub. Məlumatlara görə, sonradan əmək haqqının 1 faizinin tutulması qərara alınıb.
Məmur ordusunun və sahibkarları əhəmiyyətli hissəsi YAP-ın üzvüdür və onların üzvlük haqqı ən azı 3 rəqəmli məbləğlə ölçülür. Bu baxımdan YAP-da üzvlük haqqını orta hesabla 10 manat götürsək, bu aya 6 milyon, ilə isə 720 milyon manat edir. Az məbləğ deyil. Fikrimizcə, YAP dövlət maraqlarını partiya maraqlarından üstün tutaraq bu məbləği büdcəyə köçürə bilər.
İddia oluna bilər ki, YAP-ın tədbirləri təşkilatın öz hesabına keçirilir. Yaxud partiya funksionerlərinə maaş verilməsi qabardıla bilər. Bu iddiaların heç bir əsası yoxdur. Əvvəla, YAP-ın tədbirlərinə hökumətdən ciddi maliyyə və inzibati dəstək verilir. İkincisi, YAP-ın funksinerləri digər partiyaların yetkililəri kimi işsiz deyil. Onların bir hissəsi deputat, bir hissəsi isə məmurdur. Dediklərimizi əsaslandırmaq üçün YAP-ın İdarə Heyətinə diqqət yetrimək kifayət edir. Hətta Siyasi Şura üzvlərinin də çoxu müxtəlif qurumlarda vəzifə tutur, ən pis halda bizneslə məşğuldurlar.
24saat.org