EN FR ES DE CH RU PT TR AR AM FA
Azərbaycanın tanınmış jurnalisti Sevinc Vaqifqızının məhkəmə prosesində yaşanan utancverici hadisələr, ölkənin hüquq sistemindəki ciddi problemləri və insan hüquqlarının qorunması ilə bağlı məsələləri dərinləşdirir. Sevinc Vaqifqızı, Azərbaycan jurnalistikasının ən nüfuzlu simalarından biri olaraq tanınır, lakin hakimiyyət tərəfindən şərlənərək həbs edilib. Onun məhkəmə prosesində yaşananlar, ölkədə hüququn üstünlüyü və ədalət prinsiplərinin necə zədələndiyini göstərir.
Tanınmış vəkil Elçin Sadıqov öz facebook hesabından etdiyi paylaşımda yazır:
“Bu gün Sevinc Vaqifqızının vəkillə danışığına məhdudiyyət qoyulmasından apelyasiya şikayətinə hakim Fərid Əyyubovun sədrliyi ilə baxılırdı. Əvvəl hakimlər Sevincin şüşə qəfəsdən çıxarılması barədə vəsatəti təmin etdi. Konvoy bildirdi ki, onların rəisi icazə verməlidir. Rəis gəldi və icazə vermədiyini bildirdi. Bundan sonra hakimlər yenidən müşavirə edərək vəsatətimin təmin olunmadığı barədə yeni qərarı elan etdi.”
Bu məhkəmə prosesində, Yasamal Rayon Məhkəməsinin hakimi Fərid Əyyubovun qərarlarını tez-tez dəyişdirməsi və qanuni prosedurlara riayət etməməsi, Azərbaycanda məhkəmə və hakim anlayışının ciddiyə alınmamasının bir nümunəsidir. Hakim Fərid Əyyubovun məhkəmə qərarlarını yazılı şəkildə fərqli ifadə etməsi iddiaları, hüquqi proseslərin şəffaflığına və ədalətə olan inamı sarsıdır. Bu, Azərbaycanda məhkəmə və hakim anlayışının “maryonetka”ya oxşar bir vəziyyətə düşdüyünü göstərir və ciddi tənqidə səbəb olur.
Sevinc Vaqifqızının məhkəmə prosesində yaşanan bu utancverici hadisələr, beynəlxalq qurumların diqqətinə çatdırılmalıdır. Bu məsələlər, Azərbaycanda hüquqi sistemin möhkəmləndirilməsi və insan hüquqlarının effektiv qorunmasına olan ehtiyacı bir daha vurğulayır. Hüquqi proseslərin şəffaflığı, hakimlərin obyektivliyi və müstəqilliyi, ədalətli məhkəmə proseslərinin təmin edilməsi və insan hüquqlarının qorunması, demokratik və ədalətli bir cəmiyyətin inkişafı üçün əsas təməllərdəndir.
Azərbaycanın hüquq sistemində bu cür ciddi problemlərin mövcudluğu, hüququn üstünlüyü prinsipinə və insan hüquqlarına olan inamı zəiflədir və beynəlxalq bir reaksiya tələb edir. Beynəlxalq qurumlar, insan hüquqları təşkilatları və digər maraqlı tərəflər bu məsələlərə diqqət yetirməli və Azərbaycan hakimiyyətini hüquqi sistemi islah etməyə və insan hüquqlarını qorumağa çağırmalıdırlar.
Sevinc Vaqifqızının məhkəmə prosesində yaşananlar, yalnız onun şəxsi məsələsi deyil, həmçinin ölkədə hüququn üstünlüyünün necə pozulduğunun və insan hüquqlarının necə zədələndiyinin bir göstəricisidir. Bu hadisələr, Azərbaycanda hüquqi sistemin təkmilləşdirilməsinə və insan hüquqlarının daha effektiv qorunmasına olan ehtiyacı aydın şəkildə ortaya qoyur. Beynəlxalq qurumların bu məsələyə müdaxiləsi, ölkədə hüquqi islahatların aparılmasına və insan hüquqlarının qorunmasına yardım edə bilər.
Sonda onu da xatırladaq ki, Yasamal Rayon Məhkəməsinin hakimi Fərid Əyyubovun qərarlarını tez-tez dəyişdirməsi və qanuni prosedurlara riayət etməməsi ilə bağlı daha bir məqam isə, onun “Tarqovı”da yerləşən “NEMİ” hotelin boşaldılması və təhvil verilməsi ilə bağlı iddiaçı Təyminə (Abdullayeva) Yusifovanın hotelin işçisi Tehran Rzayev və Şaiq Əhmədova qarşı iddiası üzrə aparılan proseslə bağlıdır. Məlumata görə, hakim zalda qətnaməni elan edərkən cavabdehlər T.Rzayev və Ş.Əhmədov tərəfindən hotelin boşaldılmalı olduğunu bildirib. Elandan 15 dəqiqə sonra təqdim olunmuş qətnamədən həmin şəxslərin adları çıxarılıb və sadəcə hotelin boşaldılması barədə qərar yazılıb.
Azərbaycanda həbsdə olan jurnalistlər
“24 saat”
