Yaponiyanın baş naziri Kişida Fumio yerli şuralara əlavə seçki kampaniyası üçün getdiyi Vakayamada hakim Liberal Demokrat Partiyasının (LDP) namizədinin fəaliyyətində iştirak edib. Kişida yerli vaxtla saat 11:30 radələrində bölgədəki Saikazaki Balıqçılıq Limanı yaxınlığında LDP-nin namizədi ilə görüşərək kampaniya prosesini müzakirə edib.
Yaponiya baş naziri çıxış etməzdən əvvəl onun olduğu yerdə partlayış səsi eşidilib. Kişidə xəsarət almadan hadisə yerindən təxliyə edildiyi bildirilib. Hadisədən sonra polis bir nəfəri nəzarətə götürüb.
Yerli media partlayışın səsinin Kişidanın olduğu yerə atılan bir növ tüstüyə bənzər tüstü bombası ola biləcəyini fərz edirdi.
Yaponiyanın keçmiş baş naziri Şinzo Abe keçən il seçki nitqini etdiyi Nara şəhərində güllələnib. Dünyanı silkələyən sui-qəsd Yaponiyanın özünümüdafiə qüvvələrinin (SDF) keçmiş əməkdaşı Tetsuya Yamaqami tərəfindən həyata keçirilib. Yamaqami deyib ki, o, Abeyə maliyyə çöküşündə anasının günahlandırdığı dini qrupa bağlı olduğuna görə hücum edib.
Tərcümə“24 SAAT”