2022-12-18 08:00:08
Yeni milli təhlükəsizlik strategiyasını qəbul edən Yaponiya, qonşuları Çin və Şimali Koreyadan gələn təhdidlərə qarşı aqressiv mövqe tutmaq üçün qabaqlayıcı zərbə imkanlarını gücləndirməyə və qanadlı raketlər əldə etməyə hazırlaşır.
Sənəddə Çin “ən böyük strateji çağırış” kimi təsvir edilib. Baş nazir Fumio Kişida, önləyici hərbi gücə sahib olmağın düşməni qarşısını alacağını bəyan etdi və Yaponiyanın müharibədən sonrakı təhlükəsizlik siyasətində böyük dəyişiklik etdiklərini açıqladı. Yaponiya 2027-ci ilə qədər müdafiə xərclərini ÜDM-in 2 faizinə qədər artıracaq. Bu, cari büdcənin 1,6 dəfə artırılaraq 320 milyard dollara çatdırılması deməkdir. Proqrama ABŞ-dan “Tomahawk” qanadlı raketlərinin alınması, yerli “yer-gəmi” qanadlı raketlərinin çeşidinin genişləndirilməsi, hava hücumundan müdafiə sistemlərinin gücləndirilməsi və hipersəs silahlarının hazırlanması kimi elementlər daxildir. Yaponiyanın bu addımı Çinlə gərginliyi artıra bilər.
Tərcümə“24 SAAT”