Zaxarova Suriya hökumətini müdafiə etdi
Rusya Xarici İşlər Nazirliyinin sözçüsü Mariya Zaxarova həftəlik mətbuat konfransında Suriya hökumətinin İdlibdə kimyəvi silah istifadə etdiyi istiqamətindəki iddiaları “yalan xəbər” adlandırıb.
Qərb mətbuatını kimyəvi silahlar məsələsində Bəşər Əsədi günahlandırmasını tələskənlik sayan Zaxarova İngiltərə, Fransa və ABŞ-ın Suriya hökuməti tərəfindən istifadə olunduğunu iddia etdikləri kimyəvi silah hücumuyla əlaqədar BMT Təhlükəsizlik Şurasına (BMTTŞ) sənəd təqdim edəcəklərini deyib. O, məlum qərar layihəsinin ”gerçək olmayan məlumatlara söykəndiyini”, buna görə də, onu dəstəkləməyəcəklərini söyləyib.
“İngiltərə, Fransa və ABŞ-ın hazırladığı qərar layihəsi ilə istintaq edilmədən bəziləri günahlandırılır. Moskva bu layihənin qəbul edilməsini bu mərhələdə lazım görmür” deyə Zaxarova bildirib.
BMT Təhlükəsizlik Şurasında bir layihənin qəbul edilə bilməsi üçün hər bir daimi üzvün (Çin, Rusiya, Fransa, İngiltərə və ABŞ) razılığı lazımdır.
azadliq.info
24saat.org
Mənbə – azadliq.info