Loading...
Loading...
ÖLKƏSiyasət

Zelenski Gürcüstandakı səfiri geri çağırıb

Onun sözlərinə görə səfir Gürcüstanın Ukraynaya dəstək verməsi və Rusiyaya qarşı sanksiyalara qoşulması üçün heç nə edə bilməyib
Ukrayna prezidenti Volodimir Zelenski ölkəsinin Gürcüstan və Mərakeşdəki səfirlərini geri çağırıb.
Onun sözlərinə görə bu səfirlər “yalnız vəzifələrində qalmaq üçün işləyiblər” və olduqları ölkələrin Ukraynaya dəstək verməsi və Rusiyaya qarşı sanksiyalara qoşulması üçün heç nə edə bilməyiblər:
“Bugün mən Ukrayna səfirinin Mərakeşdən geri çağırılması barədə bu qəbilən ilk fərmanı imzalamışam. Gürcüstandakı səfir də, ona bütün hörmətimizə baxmayaraq, geri çağırılıb…Əgər silah yoxdursa, sanksiyalar yoxdursa, Rusiya biznesinin işinə məhdudiyyətlər yoxdursa, lütfən özünüzə başqa iş axtarın”.
Prezident habelə deyib ki, Latın Amerikasındakı, Yaxın Şərdəki, eləcə də Cənub-Şərqi Asiyadakı və Afrikadakı səfirlərdən ən yaxın müddətdə işlərinin konkret nəticələrini gözləyir.
Rusiya və Belarusu bloklamaq
Martın 31-də Ukraynanın Polşadakı səfiri Andriy Deşitsa deyib ki, Ukrayna Polşa ilə Polşa-Belarus sərhədinin bağlanması üçün danışıqlar aparır..
Ukrayna hökuməti habelə Rusiya və Belarusla sərhədlərinin bağlanması üçün Litva, Latviya və Estoniyaya müraciət edib.
Andriy Deşitsa deyib:
“Düşünürəm ki, qərar qəbul olunacaq. Onda Aİ-ni gözləmək lazım gəlməyəcək. Biz Rusiyaya bütün daşımaları tamamilə bloklayacağıq”.
Ötən həftə Litva, Latviya və Estoniya Avropa İttifaqını Rusiya və Belarusa quru və dəniz yolları ilə bütün yük daşımalarının bloklanmasına çağırmışdılar.
Baltik ölkələri nəqliyyat nazirlərinin sözlərinə görə hazırda Rusiya gündəlik qaydada bu sərhədlər üzərindən ikili təyinatlı yüklər almaqda davam edir.
Bu daşımaları minlərlə Rusiya və Belarus maşın və gəmiləri həyata keçirir.

24 saat” “
Zelenski Gürcüstandakı səfiri geri çağırıb
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Rusiya və Ukrayna iqtisadiyyatlarında azalma proqnozu

This site uses Akismet to reduce spam. Learn how your comment data is processed.

Back to top button