Ukrayna Prezidenti Vladimir Zelenski rəsmi iftar ənənəsinin başladığını elan etdi! Zelenski dünən Kiyev vilayətindəki Krım Tatar Mədəniyyət Mərkəzi olan “Birlik” binasında Ukrayna müsəlman əsgərləri, Krım Tatar Milli Məclisinin rəhbərləri və müsəlman ruhanilərinin nümayəndələri ilə Ukrayna dövlətinin verdiyi iftar yeməyinə qatılıb.
Zelenski, işğalın əvvəlindən bu yana mühüm məsələləri müzakirə etdiyi xalqa ənənəvi gündəlik müraciətində dövlət səviyyəsində verilən iftar süfrəsi ilə bağlı bu açıqlamaları verib;
“Biz dövlətimizin rəsmi həyatına yeni hörmət ənənəsi əlavə edirik. Ukraynada yüz minlərlə müsəlman və dünyanın müsəlman icması – müxtəlif ölkələr, müxtəlif millətlər müqəddəs Ramazan ayında oruc tuturlar. İftar gün batdıqdan sonra verilir. Bu, Ukraynanın hər yerində, hətta cəbhədə, hətta müharibə şəraitində belə hörmətlə qarşılanır.
Krım tatar xalqı Ramazan ayına hörmətlə yanaşır… Hörmət hər zaman qarşılıqlı olmalıdır.
Ona görə də bu ildən belə xüsusi ehtiram tədbiri hər il Ukraynada prezidentin iştirakı ilə keçiriləcək. Və bu, ilk dəfə bu gün Krım Tatar Mədəniyyət Mərkəzində keçirilib. Dünya bilməlidir: Beynəlxalq münasibətlərdə hörmət və nizam ancaq Ukrayna bayrağı Krıma qaytarılanda, Ukraynanın hər yerində olduğu kimi, azadlıq olanda qayıdacaq.
Mən Ukraynanın müdafiə qüvvələrinin tərkibində hamı ilə birgə döyüşən əsgərlərimizi, “Ukrayna müsəlmanlarını” mükafatlandırmaq şərəfinə nail oldum. Mən əsgərlərimiz, parlament nümayəndələri və bütün Ukrayna müsəlman icması ilə iftar süfrəsini bölüşmək şərəfinə nail oldum”. (DHA)
Tərcümə“24 SAAT”
