“Əcəb edib taxmışam…” -Nadirin brilliant üzüyü OLAY OLDU – FOTO
Müğənni Nadir Qafarzadə əsəbləşib.
BiG.AZ xəbər verir ki, ötən gün Xəzər TV də yayımlanan “5-də 5” verlişində qonaq olan müğənni barmağındakı brilliant üzüyün karat ölçüsünü soruşanlara sərt cavab verib:
“Siz bizim sənətimizlə maraqlanın, barmağımdakı üzüklə nə işiniz var? Tamaşaçı müğənnidən sənət, musiqi, əsər istəməlidir… Mənim aksessuarımla nə işiniz var?”
Aparıcı Zaur Kamalın isə Nadirlə “Sandığı qoymusan əlinin üstünə, tamaşaçı da soruşur. Onu niyə taxıb efirə gəlmisən” zarafatı onun xoşuna gəlməyib:
“Əcəb edib taxmışam, heç kimə dəxli yoxdur. Mən öz aksessuarımı taxmamalıyam, ixtiyarım yoxdur taxmağa? Gələn dəfə bundan da böyüyünü taxıb gələcəyəm. Elə sənin acığına… Maşınım da böyük olmalıdır, evim də, üzüyüm də. Mən böyük sənətkaram. 45 yaşım var, 1983 cü ildən bu sənətdəyəm. Deyirsen indi bir brilliant üzüyüm olmasın?”.
