2022-12-12 14:28:53
Elm dünyası ABŞ-dan gələn xəbərlərdən danışır…
Alimlərin 1950-ci illərdən bəri davam etdirdikləri karbonsuz enerji arzusu gerçəkləşdi.
ABŞ-ın aparıcı qəzetlərindən biri olan Washington Post, elm adamlarının ilk dəfə olaraq xalis enerji qazancı təmin edən bir qaynaşma reaksiyası hazırladıqlarını açıqladı.
Fusion tədqiqatının əsas məqsədi Günəşin yaratdığı enerjini nüvə reaksiyasında təkrarlamaqdır.
Livermordakı Lawrence Livermore Milli Laboratoriyasının Milli Alovlanma Müəssisəsində tədqiqatçılar qısa müddət ərzində öz-özünə davam edən birləşmə reaksiyasını alovlandıra bildilər.
Komanda təcrübədə xərcləndiyindən daha çox enerji istehsal edə bilib. Başqa sözlə, ABŞ artıq nüvə sintezindən enerji mənbəyi kimi istifadə edə biləcək.
Əvvəlki onlarla cəhdə baxmayaraq, heç kim füzyon reaksiyasından istehlak etdiyindən daha çox enerji istehsal edə bilməyib.
ABŞ mətbuatı bu inkişafın bəşəriyyətin neft və kömür kimi qalıq yanacaqlara ehtiyacını əhəmiyyətli dərəcədə azaldacağını yazıb.
Bu inkişaf qlobal iqlim böhranının aradan qaldırılmasına dəstək verməklə yanaşı, dünyanın yoxsul bölgələrini ucuz enerji ilə təmin etməyə də yol aça bilər.
GERİ SAYIM BAŞLADI… SABAH ELAN EDİLƏCƏK
Enerji naziri Cennifer Qranholmun sabah media tədbirində füzyon təcrübəsinin nəticələrini açıqlayacağı gözlənilir.
Nüvə sintezi yüksək sürətlə iki atomun parçalanmasına və bu reaksiyadan gələn enerjinin karbonu havaya buraxmadan və ya radioaktiv tullantıları ətraf mühitə atmadan enerji təmin edə bilən elektrik enerjisinə çevrilməsinə əsaslanır.
Dünya sabah veriləcək elanı geri sayarkən, Financial Times komandadakı iki alimlə danışıb.
Adlarının açıqlanmaması şərti ilə qəzetə açıqlama verən alimlər mətbuatda yayılan xəbəri təsdiqləyiblər.
Bayden administrasiyasının on milyardlarla dollar dəstək verdiyi texnologiyanın kommersiyalaşdırılması üçün ən azı on il tələb olunduğu bildirilir.
Tərcümə“24 SAAT”
