“Azərbaycan gömrüyü adamın anasını ağladır”
“Qarabağda atırlar.
Burda bizə top-tüfəng atmırlar. Burda müharibə başqa formada gedir. Əhali yaşayış uğrunda çarpışır. Azərbaycan-İran gömrüyündən gedib-gəlmək müharibədən pisdir. Xüsusən də Azərbaycan gömrüyü adamın anasını ağladır. “
Astara keçid məntəqəsinin önündə növbəyə duran azərbaycanlılardan biri əli ilə adamları göstərərək, sözünə belə davam edir:
“İrana getmək istəyənlər azalıb.
Döyüşlər gedən vaxtlarından bəri bu belədir. Axı itkilərimiz var. İş yoxdur. Necə edək? Xırda alverlə çörək pulu qazanırıq.”
İrana gedənlərin sayının azaldığını nəzarətçi də deyir. O bildirir ki, Qarabağda müharibə başlayıb. Üstəlik İranda ABŞ dolları qalxıb. Çox adama ora getmək sərf etmir:
”Əvvəllər Novruzda hər gün iki minə yaxın adam gedirdi İrana. İndi isə bu rəqəm 700-800 nəfərdir. Elə olur ki, bu say 400-ə düşür. Gedənlər arasınada xəstələr də var. Amma ən çox alverşilər gedirlə. Həm də, İrana 15 gündən bir buraxırlar.”
İndi əvvəlki sıxlıqdan əsər-əlamət qalmayıb. Müştərisini gözləyən işçilər də, sürücülər də gözləyir.
Dolanışığını sərhədyanı ticarətlə təmin edən Elman Əliyevin sözlərinə görə, o, İrandan piyada qayıdanlardan mal alır. Amma o iddia edir ki, mal ilə dolu mağazadan alver edən azdır:
İrana gedənlərin gəliri aşağı düşüb
“Döyüşlərdən əvvəl də vəziyyət pis idi. Hazırda günü-gündən də pisləşir. Böhrandır və bunun davam edən müharibəyə aidiyyatı yoxdur. İrandan yuyucu toz, xlor, şirniyyat, siqaret, ağartı məhsulları, xiyar-pomidor, kartof və başqa bu kimi mallar gətirirlər. Qiymət fərqi çox azdır. Əvvəllər İrana gedib-gəlib ən yaxşı halda 50 manat qazanmaq olurdu. İndi bu qazanc düşüb olub 10 manat. İran Astarasında olan tanış tacirdir də vəziyyətin pis olduğunu deyir. ”
Elman Əliyev bildirir ki, İran tərəfdə 1 dollar 3500 , 1 AZN isə 2150 tümənə dəyişdirilir. Dolların qalxmasına görə cənuba üz tutanların sayı azalıb.
