“Azərbaycan Minsk qrupuna vaxt verməlidir” – Qarabağla bağlı…
Sabir Rüstəmxanlı: “Köhnə nağılları bir kənara qoymaq lazımdır”
2016-cı il başa çatsa da, Qarabağ problemini geridə qalan ildə də həll etmək mümkün olmadı. Bəs bu problemi 2017-ci ildə necə, həll etmək mümkün olacaqmı?
24saat.org-a açıqlama verən xalq şairi, sabiq millət vəkili Sabir Rüstəmxanlı məsələ ilə bağlı maraqlı fikirlər səsləndirib:
“Hər yeni il qədəm qoyanda Qarabağ probleminin həll olunacağı il bağlı proqnozlar vermək,fikir səsləndirmək adət halını alıb. Bunlar köhnə nağıllardır. Minsk qrupu da bu şəkildə millətin başının altına yastıq qoyur. Beynlxalq təşkilatlar, müxtəlif siyasi qüvvələr bundan istifadə edirlər. Həm Azərbaycan, həm də Ermənistan hakimiyyəti isə bu məslənin nə qədər dərin bir çıxmazda olduğunu bilə-bilə vəd verməkdən yorulmurlar.
Azərbaycan bu məsələ ilə bağlı beynəlxalq qruplar, Minsk qupu ilə ultimativ qaydada danışmalı, onlara müəyyən vaxt verməlidir. Bildirməlidir ki, ya göstəriln tarixə qədər problemin həllini təmin etsinlər, ya da Azərbaycan hərb yolu ilə işğaldakı torpaqlarını azad etsin”.
Seymur Əliyev
