Gündəm
Azərbaycan ordusunun zabiti həlak olub
Leytenant İlqar Babayevin bədbəxt hadisə nəticəsində öldüyü bildirilir
Avqustun 9-da Azərbaycan ordusunun zabiti, leytenant İlqar Babayev məşğələ zamanı həlak olub.
Müdafiə Nazirliyinin yaydığı məlumatda belə deyilir.
Bildirilir ki, hadisə səhər saatlarında baş verib: “Azərbaycan Ordusunun Təlim və Tədris Mərkəzinin poliqonunda keçirilən döyüş atışlı məşğələ zamanı bədbəxt hadisə baş verib. Hadisə zamanı leytenant İlqar Babayev həlak olub”.
Nazirlik hadisənin səbəblərini araşdırdığını qeyd edib.
İlqar Babayev 1999-cu ildə Oğuz rayonunda doğulub.
