Bakıda güclü külək müşahidə olunur. Bu səbəbdən Bakı Nəqliyyat Agentliyi tərəfindən sürücülərə xəbərdarlıq edilib.
Qurumun mətbuat xidmətindən “Ölkə.Az”-a verilən məlumata görə, təbiət hadisəsi fəsadlara yola aça bilər. Belə ki, əsən külək Yasamal rayonu Tbilisi prospektində reklam lövhəsi aşıb. Nəticədə Şəfayət Mehtiyev küçəsi ilə Tbilisi prospektinin kəsişməsində bir hərəkət zolağında maneə yaranıb.
“Belə hava şəraitlərində ehtiyyatlı olmağınız, nəqliyyat vasitəsini iri gövdəli ağacların və ya hansısa texniki qurğunun altında saxlamamağınız məsləhət görülür”, – deyə xəbərdarlıqda bildirilib.
