Biləsuvarda yerləşən Şəhidlər Xiyabanı yox olmaq təhlükəsi ilə üzləşib.
Vizual.Az xəbər verir ki, 20 şəhidlərinin uyuduğu məkan uzun illərdir baxımsız qalıb.
Sakinlərin məlumatına görə, xiyabandakı qəbirlərin bəziləri dağlıb. Rayon icra hakimiyyəti isə bu məkanı demək olar ki, unudub.
Vətən uğrunda canından keçən şəxslərə qarşı bu cür hörmətsizlik sakinləri narazı salıb. Dəfələrlə aidiyyatı qurumlara, icra hakimiyyətinə müraciət olunsa da, şəhidlər xiyabanına diqqət ayrılmayıb.
Xatırladaq ki, bu ilin iyununda Prezident İlham Əliyev Biləsuvar rayonuna 2,1 milyon manat vəsait ayrılması barədə sərəncam imzalayıb.
