Xüsusilə, noyabrın 23-də Rusiyanın raket hücumları nəticəsində Zaporojye atom elektrik stansiyasından başqa üç AES-in fəaliyyətini dayandırması Ukraynanı kosmosdan götürülmüş “işıq xəritəsindən” silib.

ORTA ƏSRLƏR KİMİ

Saytların yığılması

Noyabrın 24-də Amerika Kosmos və Aviasiya İdarəsi olan NASA-nın kosmosdan çəkdiyi görüntülərdə Ukrayna ərazisinin Kiyevdən kənarda tam qaranlıqda qaldığı görülüb. Ukrayna üçün çərşənbə və cümə axşamı ən kritik günlər idi. 3 milyon əhalisi olan Kiyevdə yalnız bir neçə dövlət binasına 48 saat elektrik verildiyi müşahidə edilib. Termometr gündüz üstəgəl 2 dərəcə, gecə isə 1 dərəcə göstərsə də, milyonlarla mülki vətəndaş əsas ehtiyaclarını ödəyə bilməyib. Qaranlıqla kabus şəhərə çevrilən paytaxt Kiyevin küçələrini yalnız yoldan keçən maşınların faraları işıqlandırırdı.

Dünən günorta saatlarında Ukraynanın elektrik enerjisi idarəsi Kiyevin əksər hissəsinə elektrik enerjisinin verilməyə başladığını elan edib. Təkcə Kiyev deyil, Xarkov, Mikoloyev, Xerson, Odessa və Zaporojye də elektrik enerjisinin kəsilməsinin öhdəsindən gəlməyə çalışır.