Dünya
Bu gün ABŞ Rusiyaya qarşı yeni sanksiyalar qoyacaq
Bu gün, aprelin 6-da ABŞ administrasiyası Rusiyanın bir sıra siyasətçiləri və biznesmenlərinə qarşı yeni sanksiyalar açıqlayacaq.
Bu haqda The Wall Street Journal dərgisi administrasiyadakı mənbələrə istinadən məlumat yayıb.
Bildirilir ki, bu dəfəki sanksiyalar da Putinə yaxın olan siyasətçilərə və oliqarxlara şamil ediləcək.
Qeyd edək ki, bu sanksiyalar Rusiyanın Ukrayna ərazisinin bir hissəsini ilhaq etməsinə cavab olaraq tətbiq edilir. Bundan əvvəl ABŞ Rusiyanın 210 siyasət və biznesmeninə qarşı sanksiya tətbiq edib. Sanksiya siyahısında olanlara vizaların verilməsi və onlarla biznes əlaqələrinin qurulmasına məhdudiyyət qoyulur. Növbəti mərhələdə bu şəxslərin hesablarına həbs qoyulması nəzərdə tutulur.
Bastainfo.com
