Cənubi Koreyada prezident seçkilərində vaxtından əvvəl səsvermə başlayıb.

RİA Novostinin istinadən verdiyi xəbərə görə, səsvermə iki gün davam edəcək.

Qanunvericiliyə uyğun olaraq, əsas səsvermə günü, mayın 9-da müxtəlif səbəblərdən səs verə bilməyən vətəndaşlar bu hüquqdan istifadə edə biləcək.

Ölkədə 43 milyona yaxın seçici qeydiyyatdan keçib. Seçki komissiyasının məlumatına görə, artıq 590 mindən çox seçici səsvermədə iştirak edib.

Prezident postuna 13 nəfərin namizədliyi irəli sürülüb. Son rəy sorğularına əsasən, qələbəyə əsas namizəd Demokrat partiyasının təmsilçisi Mun Çje İndir. Onu respondentlərin 42,4%-i dəstəkləməyə hazırdır. Mərkəzçi “Xalq partiyası” An Çxol Su və mühafizəkar siyasi qüvvələrin namizədi Xon Çjun Pxönun reytinqləri 19%-ə yaxındır.