İqtisadiyyat
Dollar sabit qaldı, lari isə ucuzlaşdı
Azərbaycan Mərkəzi Bankı (AMB) manatın martın 6-a olan məzənnəsini açıqlayıb.
AMB-dən verilən məlumata görə, bu gün ABŞ-ın milli valyutası olan dolların məzənnəsi martın 3-ü ilə müqayisədə dəyişməyərək 1,7548 manat təşkil edib.
Avro isə manata nisbətən bahalaşıb. Avrozonanın vahid valyutası 1,8460 manatdan 1,8604 manatadək artıb. Əsas ticarət tərəfdaşlarımızdan biri olan Rusiyanın milli valyutası rublun məzənnəsi 0,0299 manatdan 0,0301 manatadək artıb.
Türkiyə lirəsinin məzənnəsi 0,4708 manatdan 0,4722 manatadək bahalaşıb. Rəsmi məzənnəyə əsasən, 1 ingilis funt sterlinqi 2,1527 manatdan 2,1555 manatadək bahalaşıb. Gürcüstan larisinin məzənnəsi 0,7076 manatdan 0,7040 manatadək azalma nümayiş etdirib.
