Dövlət Departamenti: Putinin motivləri "dəyişməyib", o, Ukraynanı fəth etmək istəyir
Bazar ertəsi ABŞ bildirib ki, Rusiya prezidenti Vladimir Putinin Ukrayna ilə danışıqlarda maraqlı deyil, çünki “Ukraynanın hərbi sursat çatışmazlığından əziyyət çəkdiyini görür”,- Dövlət Departamentinin nümayəndəsi Metyu Miller deyib.
“Vladimir Putinin motivləri dəyişməyib. O, Ukraynanı fəth etmək və Ukrayna xalqını özünə tabe etmək istəyir”, – brifinqdə Miller Turan-ın Vaşinqton müxbirinə bildirib.
O əlavə edib ki, Putin “öz motivlərinin dəyişmədiyini çox açıq şəkildə bildirib və siz onun Ukrayna ilə danışıqlara marağının olmadığını açıq şəkildə bildirdiyini gördünüz”.
Bayden administrasiyasının nöqteyi-nəzərindən bu, “ABŞ Konqresinin əlavə maliyyələşdirmə tələbini qəbul etməsinin və Rusiyanın təcavüzündən qorunmaq üçün Ukraynaya lazım olan silahları verməsinin vacibliyini ortaya qoyur”.
“Hazırda Ukraynanın bizim köməyimizə ehtiyacı var. Bir dəqiqə belə itirmək olmaz”, – bazar ertəsi ABŞ-ın Kiyevdəki səfiri Bricit Brink bildirib.
