2022-11-12 16:18:28
Divar şəkilləri ilə dünya miqyasında təsir bağışlayan britaniyalı qraffiti rəssamı Benksi son işini İnstaqram hesabında paylaşıb.
Benksinin “Borodyanka, Ukrayna” qeydi ilə paylaşdığı əsərində müharibədə dağılmış binanın divarında əlləri üzərində tarazlıq saxlayan qadın gimnast təsvir edilib.
Dünyanın ən məşhur rəssamlarından biri olan və əsərlərində “Benksi” təxəllüsündən istifadə edən rəssam illərdir kimliyini gizli saxlayıb.
HƏFTƏLƏR RUS İŞĞALINDA OLDU
Rusiyanın fevralın 24-də Ukraynaya hücumundan sonra Borodyanka ən çox zərər çəkmiş bölgələrdən biri olub. Rusiya əsgərləri müharibənin birinci mərhələsində Ukraynanın paytaxtı Kiyevdən təxminən 48 kilometr şimal-qərbdə yerləşən Borodyankanı ələ keçirib. Müharibə nəticəsində dağıdılan qəsəbə aprel ayında yenidən Ukraynanın nəzarətinə keçib.
Tərcümə“24 SAAT”