Tesla və SpaceX-in CEO-su Elon Musk satın aldığı Twitter-in idarə heyətini ləğv etdi və özünü “yeganə menecer” etdi.
Twitter ABŞ Qiymətli Kağızlar və Birja Komissiyasına (SEC) şirkətin yeganə direktorunun Musk olduğunu bildirdi.
Musk Twitter hesabındakı paylaşımında şirkətin yeganə meneceri olmağın “müvəqqəti” bir vəziyyət olduğunu qeyd edib.
Baş icraçı direktor Paraq Aqraval, Baş Maliyyə Direktoru Ned Seqa və İdarə Heyətinin keçmiş sədri Bret Taylor işdən çıxarılan yüksək səviyyəli rəhbərlər arasında olub.
Mask daha əvvəl bəzi yüksək vəzifəli şəxsləri, o cümlədən Hüquq Siyasəti Direktoru Vijaya Qaddeni işdən çıxarmışdı.
Digər tərəfdən Səudiyyə Ərəbistanı Kral Holdinq Şirkətinin (KHC) baş icraçı direktoru Şahzadə Valid bin Talal Twitter-də Muskdan sonra ikinci ən böyük səhmdardır.
Bildirilib ki, Maskın sosial media şirkəti Twitter-i 44 milyard dollara alması başa çatıb.
Əvvəllər Twitter-də 9,2 faiz pay alan Elon Musk aprelin 14-də SEC-ə etdiyi bildirişdə bütün Twitter üçün hər səhmə 54,2 dollar təklif etmişdi. Aprelin 25-də Twitter-də edilən açıqlamada şirkətin Maska satılması ilə bağlı razılığın əldə edildiyi bildirilib.
Mask mayın 13-də sosial media şirkəti Twitter-in təxminən 44 milyard dollara satın alınması ilə bağlı sövdələşmənin müvəqqəti olaraq dayandırıldığını açıqladı və “spam və saxta hesablar ümumi istifadəçilərin 5 faizindən azını təşkil etdiyi üçün hesablamaların təfərrüatları gözlənildiyini” bildirdi.
İyulun 8-də Elon Musk bir çox müddəaların pozulduğunu əsas gətirərək Twitter-i almaq müqaviləsini ləğv etdiyini açıqladı. Maskın vəkilləri SEC-ə verdiyi açıqlamada, Twitter-in platformadakı saxta və ya spam hesabları ilə bağlı bir çox məlumat sorğusuna cavab vermədiyini və ya cavab verməkdən imtina etdiyini bildiriblər ki, bu da şirkətin biznes fəaliyyəti üçün vacibdir.
Digər tərəfdən Twitter, müqaviləni ləğv etdiyi üçün Maskı məhkəməyə verdi.
AA
Tərcümə“24 SAAT”
