Siyavuş Novruzov: “Bununla bağlı konkret və çoxsaylı sənədlər var”
Millət vəkili Siyavuş Novruzov 24saat.org-a açıqlamasında Ermənistanın işğalçılıq siyasəti və bu siysətin beynəlxalq müstəvidə ifşasından bəhs edib. S.Novruzovun sözlərinə görə, Ermənistanın işğalçlıq siyasəti beynəlxalq təşkilatlara bəllidir və onlar tərəfindən müvafiq qətnamələr qəbul edilib:
“Ermənistan onsuz da işğalçı dövlət kimi tanınır. Biz BMT-yə daxil olanda Dağlıq Qarabağ və işğal olunmuş 7 rayon Azərbaycanın ərazisi kimi tanınıb və bu quruma da bu sərhədlərlə daxil olub. Bu, artıq sənəddir. Bundan başqa BMT-nın 4 qətnaməsi, Avropa Şurasının qətnamələri, NATO-da Azərbaycanın ərazi bütövlüyünün tanınması, İslam Əməkdaşlıq Təşkilatında oxşar qərarların qəbulu Ermənistanın işğalçı dövlət olmasının isbatıdır. Azərbaycanın əlində bununla bağlı kifayət qədər sənəd var və bu sənəddlər dövlətimizin təcavüzə məruz qalmasının isbatıdır”.
Seymur Əliyev